КЪУХ АУАДЗЫН

тж. КЪУХ АУИГЪЫН

1. Фæллой, ис, мулк ныппаплой кæнын, знагиуæгыл нæ бацуардын, исты аразыныл нæ мæт кæнын.

Запускать, запустить руку.

Ноджы тынгдæр ныхъхъæрздзысты, ныуунæргъдзысты, сæ уæззау сыджыты бын, зæгъгæ, нын нæ къуыдипп фæстæгтæ не ссаргæ æнусон хæзнайыл сæ къух ауагътой. (СИ. 1989. 162.)

2. Фæнæмын.

Дать волю руке; запустить руку.

Ды дæр ыл (æлдарыл) дæ къух куы ауадзай, уæд дæ ныббæтдзæн æфсæн рæхыстæй æмæ йыл сахуыр уыдзынæ. (Букуылты А. Зарæг баззад цæргæйæ.)

3. Цыдæр саразынмæ фæндондзинад, цымыдис фесафын, цæмæдæр, кæмæдæр хъус нал дарын, æнæмæты ахаст æвдисын, цыдæр нал аразын.

Махнуть рукой, руки опускаются; сложить руки.

– О, æмæ йын уæд та, цы уæ фæнды, уый кæнут, чындз йæ къух ауыгъта æмæ кæртмæ фæцæйцыд. (Къæбысты З. Иронвæндаг.)

Ос-Бæгъатыр фæстагмæ кусæг адæмыл йæ къух ауагъта. афæлывта... фæсивæды. (Ф. 1929, 5.)

4. Истæмæй, искæмæй пайда æнхъæл нал уын, ницы ныфс æвæрын.

Махнуть рукой.

Хосгæнджытæ йæм кæцæй нæ фæцыд (Лексомæ), æгæрыстæмæй йæ Атъозы дæсны дæр басгæрста, фæлæ йыл уый дæр йæ къух ауыгъта... куы, дам, сдзæбæх уа, уæддæр, дам, лæгæн нал сбæздзæн.(Ф. 1962. 8.)